స్టాంపు కింద
తాతయ్య తగరపు ట్రంకు పెట్టె, ఎర్ర దారంతో కట్టిన ఉత్తరాలు, అమ్మమ్మ ఎప్పుడూ తీయని స్టాంపులు.
ఏడో తరగతికి వచ్చేసరికి క్లాసంతా అగ్గిపెట్టె లేబుళ్ళు వదిలేసి స్టాంపుల వెంట పడింది. గాంధీ, నెమలి తప్ప ఇంకేమీ లేని పిల్లాడికి ఏదో ఒక పాత స్టాంపు కావాలి. పోయిన తాతయ్య ట్రంకు పెట్టె తెరవడానికి అమ్మమ్మ ఒక షరతు పెట్టింది: స్టాంపులు తీసుకో, ఉత్తరాలు ముట్టుకోకు. చిన్న గిన్నెలో నీళ్ళు మరిగించి మొదటి కవరుని ఆవిరి మీద పట్టుకున్నాడు.
